Meet Roxanne PH candidate for tunapuna

Furthermore, Party Hearty is the only political machine which stands by its promises. We tell yuh we bringing jerseys — we coming with dem! It aint have no, ah promise yuh and ah doh deliver.

In fact, I stand today and promise to rid the Constituency of Tunapuna of dem mosquitoes with vampire teeth dat flyin’ roun’ Puna. Imagine yuh make ten steps an’ dem blood suckin’ critters still hook on to yuh foot from when yuh did stand up ten steps ago. Dey even rippin’ through mosquito net and Bop and mosquito coil is like perfume to dem. But the concoction Roxanne Stapleton-Whyms have waitin’ fuh dem go kill dem so dead, dey go cya rise from the dead when Jesus Christ come back again.

I want to know why Esther, Clyde and Christine set up themselves fuh obvious blows. Is licks all yuh want, so is licks all yuh go get. Why do this at this stage in all yuh lives man. Why?